जिल्ह्यातील शाळांमध्ये शैक्षणिक गुणवत्ता वाढीसाठी प्रयत्न करावे. शिक्षण उपसंचालक डॉ. माधुरी सावरकर यांचे आवाहन, शैक्षणिक गुणवत्ता वाढ व मार्गदर्शन सभा
गडचिरोली : जिल्ह्यातील शाळांमध्ये राष्ट्रीय शैक्षणिक धोरण २०२० ची अंमलबजावणी करावी. तसेच शाळांमध्ये शैक्षणिक गुणवत्ता वाढीसाठी प्रयत्न करावे, असे आवाहन विभागीय शिक्षण संचालक डॉ. माधुरी सावरकर यांनी केले. गडचिरोली येथे गटशिक्षणाधिकारी, मुख्याध्यापक व केंद्रप्रमुख यांची सभा शैक्षणिक गुणवत्ता वाढ व मार्गदर्शन सभा पार पडली. यावेळी मार्गदर्शन करताना त्या बोलत होत्या. या सभेला शिक्षणाधिकारी (माध्य.) वासुदेव भुसे, शिक्षणाधिकारी (प्राथ.) बाबासाहेब पवार, उपशिक्षणाधिकारी (माध्य.) अमरसिंग गेडाम, जिल्हा शिक्षण व प्रशिक्षण संस्थेचे वरिष्ठ अधिव्याख्याता धनंजय चापले आदी उपस्थित होेते. पुढे मार्गदर्शन करताना डॉ. सावरकर म्हणाल्या, शाळाप्रमुखांनी व शिक्षकांनी इयत्ता शाळांमध्ये दहावी व बारावीची परीक्षा कॉपीमुक्त राबविण्यात यावी. यासोबतच परीक्षा केंद्रांवर सीसीटीव्ही, स्क्वाड आणि निरीक्षण पथकांची नियुक्ती करावी. तसेच विद्यार्थ्यांना योग्य अभ्यासपद्धती, प्रश्नपत्रिका पद्धत व वेळ व्यवस्थापनाबाबत मार्गदर्शन करावे. तसेच पालक, शिक्षक व गावपातळीवर जनजागृती करावी. शिष्यवृत्ती परीक्षा, नवोदय व एनएमएमएस परीक्षेची तयारी करावी. तसेच निपून महाराष्ट्र कार्यक्रमातर्गत इयत्ता पहिली ते तिसरीसाठी वाचन, लेखन व गणित कौशल्य विकसित करावे. महिन्यात एकदा निपून चाचणी घेण्यात यावी. दीक्षा ॲप व ब्रिज कोर्सचा वापर करावा. परख सर्वेक्षण २०२३ अंतर्गत वर्गनिहाय कौशल्यांवर आधारित अध्यापनाची गरज असल्याचे नमूद करित निकालाचे विश्लेषण करून विषयनिहाय कृती आराखडा व शिक्षक प्रशिक्षणावर भर देण्यात यावा, असे मार्गदर्शन त्यांनी केले. मुख्यमंत्री माझी शाळा सुंदर शाळा अभियानांतर्गत शाळांचे भौतिक स्वरुप सुधारणा करण्यासाठी तसेच शाळांची स्वच्छता, हरितकरण यासाठी सीएसआर फंड, स्थानिक संस्था व पालक समितीच्या सहकार्य घ्यावे. 'हिंदी की चादर' अभियानांतर्गत विद्यार्थ्यांना इतिहास, देशभक्ती व गुुरू तेगबहादूर संघटनेचा परिचय द्यावा. पोस्टर स्पर्धा, प्रश्नमंजुषा, निबंध व भाषण स्पर्धांचे आयोजन करावे. यासोबतच शाळांमध्ये वाचन संस्कृती वाढ, मानसिक आरोग्य व समूपदेशन उपक्रम राबविण्यात यावे. तसेच तांत्रिक शिक्षण व डिजिटल साक्षरता वृद्धिंगत करण्यासाठी उपक्रमांचे आयोजन करावे. २६ नोव्हेंबर रोजी शाळांमध्ये संविधानदिन कार्यक्रमाचे आयोजन करावे. यामध्ये संविधानाची प्रस्तावना वाचन, प्रबोधनात्मक व्याख्यान, वादविवाद, निबंध व प्रश्नमंजुषा स्पर्धा घ्याव्यात. तसेच मुलभूत हक्क व कर्तव्यांचे जनजागरण करावे. विद्यार्थ्यांमध्ये नेतृत्व विकास, प्रत्यक्ष कार्यानुभव व शिस्त, प्रयोगशिलता, प्रकल्पाधारित शिक्षण व नवोन्मेषासाठी संधी मिळावी, याकरिता स्काऊट, गाईड शिबिराचे आयोजन करावे. तसेच तंबाखूमुक्त शाळा अभियान, शुगर बोर्डची अंमलबजावणी करित विद्यार्थ्यांची आरोग्य तपासणी, लठ्ठपणा, डायबेटीस जागरुकता, पौष्टीक आहार व योग व्यायाम ही उपक्रमे शाळांमध्ये राबविण्याचे निर्देश त्यांनी दिले. (फोटो :